На југот од Франција е лоцирана најскапата недвижнина во Европа, чиј сопственик е модниот дизајнер Пиер Кардин. Оваа куќа од 2017 се продава за 305 милиони фунти.
Наречена е „Palace of Bubble“(Палата од меури), а во неа се одржувани некои од најспектакуларните забави и снимани се некои од најскапите филмови.
Оваа палата ја проектирал унгарскиот архитект Анти Ловаг а изградена е помеѓу 1975 и 1980 година.
Палатата содржи сала за прием, панорамски салон, амфитеатар на отворено со 500 места за седење, 10 спални соби, разни базени и водопади во и голем уреден двор.
