Екстра

Зимскиот раскош на гордата Јакупица – снег, сонце и Солунска глава


Гордо издигната над Нежилови стени, со врвен стремеж на кој се чини и небото му е ниска граница, стамена и строга се виши „нагризената пирамида“ на врвот Солунска глава. А таа глетка најимпресивно и најавтентично ги полни зениците кога ќе ја искусите од Долна бабина дупка, на 1.680 метри надморска висина, нешто помалку од 1.000 метри под горделивецот Солунска.

1911071_10201404360854959_1172461684_o
Изгрејсонце на Долна бабина дупка

Кога сте на Долна бабина и не можете да се наситите на возвишената и фасцинантна панорамска глетка која се шири пред вас, имате чувство како да сте дел од некоја разгледница, раскошен пејзаж „вкаменет“ во еден вечно траен миг на времепросторот.

1957717_10201404361294970_1496816445_o
Раскошната панорамска глетка на Солунска глава од Долна бабина

Кинисот кон Солунска глава, стандардно, започнува од планинарскиот дом Чеплес, кој се наоѓа на 1.450 метри висина, на падините на Јакупица, над селата Папрадиште и Нежилово. После иницијациското планинарско искуство кое го наметнува угорниот почеток на планинарската патека, од домот, низ старата букова шума, и релативно поспокојниот дел од патеката речиси „по изохипса“, исто низ буките, кој следи после него, пред вас ќе се отвори онаа неповторлива глетка од Долна бабина дупка која, иако вечно иста и убава, никако не ви дава да се наситите од убавината која ја нуди, па посакувате пак, и пак, да се навраќате таму.

1782410_10201404361814983_644058145_o
Траги врз снегот

А секое искачување, на било кој врв од било која планина, независно од стрмнината или благите нагорнини, бара спокоен чекор, мирни мисли и слободен дух, за целосно да уживате во природната автентична уметност која е насекаде околу вас, од тревките и карпите, преку пространите падини и длабоките шуми, до врвовите и далечините краеви кои се шират наоколу, достапни за окото само од тие планински висини, кога се наоѓате над баналноста на секојдневието.

1836910_10201404362014988_2144905334_oПарче природна уметност над Долна бабина

1655185_10201404362735006_1611723542_o

1614305_10201404362334996_387291256_o
Џенг на облаците и планината на Нежилови стени – профил на Солунска глава

При искачувањето кон Солунска глава, неодминлива импресија крај која ќе мора да поминете е сестрата на Долна бабина – Горна бабина дупка, гигантомахиски примерок од планинска рупа која фасцинира со својата грандиозност и големина. Крај неа неодминливо ќе ги почувствувате првите „симптоми“ на човечката маленкост и ситничавост во однос на планинското величие.

1606263_10201404364375047_213762323_o
Нагоре, кон Горна бабина дупка

1891566_10201404363335021_2095682184_o
Море од облаци, или „волна“ над низините

1801275_10201404364695055_1048584439_o
Снежните стреи на Горна бабина дупка

А таму горе, на и после сртот кај Горна бабина, ве чека белата тишина на ледената прегратка помеѓу планинските восхитувачки падини и чистиот снег. Насекаде околу вас владее една „бучна“ тишина на природата, која е диригирана од ветрот кој знае да задува и со големи брзини на тој простор, но и од спокојот на одмолчените дијалози на планината и небото, планината и околните врвови, снегот и стапалките, човекот и природата. А среде сета таа чудесна синестезија на тишина, белина, сјај, сонцевина и космички спокој во кој најгласно е отчукувањето на вашето срце кое си го чувствувате во грлото, се издигнува гордоста на Јакупица – Солунска глава.

1658557_10201404367495125_1828989790_o
Во засекот, таму на малото парче хоризонт, се подава Шара

1655762_10201404366295095_18466426_o
Тука времето како да стои, а се бројат само деновите и ноќите

1912325_10201404367455124_866328528_o
Еден и единствен, центарот на планинските врвови кај нас – Солунска глава

За случајно да не заборавите во ниту еден момент од искачувањето кон што стремите, кон каде сте кинисале и која е сатисфакцијата, и духовна, и ментална, и појавна која ве чека на врвот од планинскиот аџилак, природата се погрижила Солунска глава цело време да го имате во видно поле, да ве мами и повикува со својата молчалива строгост да му се приближите, да се искачите врз него и врз уште еден Врв од вашата психо-физичка настројба. И да, ќе го видите и Солунското поле, кое се простира десно од вас, побелено, покорно и спокојно спрострено под пирамидалниот врв. Десно од вас се стрмоглават Нежловите стени, непрепорачливи да ги набљудувате одгоре во зима, поради опасноста од одронување на снежните тераси кои се надвиснати над нив.

1960944_10201404368175142_145772693_o

1941393_10201404370175192_287280154_o
Лево се стрмоглават торжествените Нежилови стени

1149618_10201404365455074_1548320042_o
Аџилак и поклонение на планината

1617580_10201404369015163_983376192_o
Врвот, и „преку“ него, до личниот Врв на психо-физичката опстојба

А кога ќе сигнете на врвот, не заборавајте, мислите нека ви бидат најгласното нешто кое ќе одекнува во и од вас, додека ја пиете и голтата со поглед велелепната природна убавина која „вришти“ од сите страни околу вас. И тогаш некако, како некоја вечна вистина, ни одѕвонуваат во мислите оние стихови на планинарот и филозоф Ферид Мухиќ, кои гарантирано се некој вид на духовен изблик и провидение во миг на екстатично соживување со Планината и Природата:

НЕ ТВРДИ НИШТО

На Врвот кога си, не тврди ништо:
Ни: Да! – ни: Не!
Сè ќе ти рече виежот волчи
Врвот е еден, ти си со Врвот!
Толку.
За сето останато, занесен, молчи.

1557288_10201404366615103_572563156_o

1899789_10201404367055114_103464832_o

1891343_10201404371055214_1980275735_o

1907727_10201404372575252_1672533274_o

1956697_10201404370495200_426501629_o

1888940_10201404371975237_1111976337_o

И додека сте на врвот, не постои ништо друго освен вие и тој, и сета таа космологија на креаторот кој ја создал секоја пора, секој нишан, секоја убавина на огромното лице на природата. Кога ќе почувствувате дека доволно за овој пат сте консумирале од таа космичка енергија „по вертикала“ на гордиот axis mundi со кој привремено паралелно постоевте, спокојни и одморени, облагородени со сите видими и невидими дарови на мајката планина, слегувањето ќе ви биде како некој вид на заокружување на целокупното искуство, истовремено и успокојување на вашите духовни сили и ментална енергија. И од сето тоа ќе остане само чистата и бистра мисла, мирот во вас и желбата за некое наредно врвување на Солунска глава, во блиска и догледна иднина.

1899766_10201404368735156_1333158258_o

1941373_10201404372295245_1746932960_o

1921046_10201404373455274_1397274793_o

1911106_10201404374695305_1481524550_o

Коментари

loading...
Click to comment

You must be logged in to post a comment Login

Leave a Reply

Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top