Диск голф го освојува светот, а го нема во Македонија!? ↓↓↓
Тренерот на Реал Мадрид, Зинедин Зидан наводно понудил оставка поради резултатската криза во која се наоѓа „кралскиот“ клуб, пренесува „Марка“.
Реал на половина од сезоната се наоѓа на четвртото место на табелата со дури 19 бода помалку од лидерот Барселона, а десет помалку од градскиот ривал Атлетико Мадрид.
„Марка“ која е секогаш добро информирана за случувањата во Реал Мадрид пренесува дека Зидан имал состанок со претседателот Перез на кој му ја понудил својата оставка.
Сепак, донесена е конечна одлука Французинот да остане на кормилото до крајот на сезоната, а следната сезона сигурно друг тренер ќе ги предводи „кралевите“. Истиот извор наведува дека сигурно Зидан нема да се предомисли и ќе остане позади својата одлука.
Наводно Зизу после завршувањето на Мундијалот ќе ја предводи француската репрезентација, а Реал веќе ја започнал потрагата по нов тренер.
Иако во моментов се лецитира со голем број на имиња, наводно најголема желба на Перез за нов тренер е германскиот стратег Јоаким Лев.
