Александар Вучковски - сомелиер: Како македонските вина го освојуваат светот? ↓↓↓
Македонската фудбалска репрезентација денес го одигра вториот натпревар на нашето дебитантско учество на Европското првенство, против селекцијата на Украина.
Украина од самиот почеток беше подобрата репрезентација на теренот, ја имаа иницијатива се играше пред нашиот гол, иако на моменти и ние содававме по некоја шанса. Таквата игра Украинците ја искористија на брзина после половина час прво Јармоленко го отвори резултатот, а само некоја минута подоцна Јаремчук зголеми на 2:0.
Со предноста од 2:0 Украина замина на полувреме. Македонија веднаш на отварањето на вториот дел имаше одлична прилика преку Адеми, но украинскиот голман успеа да го одбрани неговиот удар.
Очигледно беше дека тргнавме на сè или ништо и добро ни одеше се играше пред голот на Украина. Во 57 минута добивме пенал, Алиоски не го реализираше, но за наша среќа одбиената топка ја смести во мрежата.
И после голот ние продолживме со добрата игра, сепак не успеавме да дојдеме до изедначување. Треба да се спомене дека Столе Димитриевски одбрани пенал на Малиновски на десетина минути пред крајот. Сета ваква игра алудира на тоа дека нашата репрезентација заслужи барем нерешен резултат, но за жал, тоа остана неостварена желба.
Следниот натпревар Македонија го игра во понеделник против селекцијата на Холандија.
Од Букурешт за Спортски.мк и Таратур: Стефан Даскалов
