Диск голф го освојува светот, а го нема во Македонија!? ↓↓↓
Првите две деца, од групата на 12 момчиња и нивниот фудбалски тренер заробени во пештерата во Тајланд, безбедно се извлечени на површината, изјави службеник од спасувачките операции за Ројтерс.
„Две деца се надвор. Во моментов се во адаптираната болница во близина на пештерата. Најпрвин ги прегледуваме физички. Се уште не ги префрламе во главната болница Чианг Раи“, изјави Тосатеп Бонтонг, шефот на здравствените служби во провинцијата и дел од спасувачкиот тим.
Спасувачката операција која започна утрово се одвива побргу и од најоптимистичките прогнози дадени од надлежните.
WATCH: BBC footage of ambulance leaving cave site amidst reports first boys from trapped football team have been rescued #thamluangcave #thamluang #ถ้ำหลวง #13ชีวิตติดถ้ำ #13ชีวิตรอดแล้ว #พาหมูป่ากลับบ้าน #ThailandCaveRescue pic.twitter.com/qu441ZuiJH
— Howard Johnson (@Howardrjohnson) July 8, 2018
Во спасувачката операција вклучени се вкупно 18 нуркачи, од кои 13 се странци. Делови од пештерата и натаму се под вода па за минување низ некои премини ќе мора да се користи нуркачка опрема.
Според планот, децата ќе биде поделени во 4 групи – тренерот ќе биде во последната група. Најголем предизвик ќе бидат тесните премини низ кои децата ќе мораат да нуркаат.
