Александар Вучковски - сомелиер: Како македонските вина го освојуваат светот? ↓↓↓
По кратко боледување, во Скопје денес почина Горан Атанасов Зеко. Зеко беше еден од најпознатите скопски угостители, а некогаш и пејач кој беше еден од главните креатори на ноќниот и забавен живот во Скопје од крајот на 1980-ти години.
Заедно со Сашо Пижевски – Пиже и Игор Џамбазов е основач и член на култната група Хавана Бенд, која беше своевидна атракција на македонската естрада во раните 90-ти, позната по хитовите „Шток ми бејби“, „Нема спас“, „Дај ми, жити се“ и др. По нејзиното распаѓање, се посвети на својот бизнис угостителството и само повремено учествуваше.
Зеко исто така беше менаџер, косопственик и сопственик на повеќе кафулиња, ресторани, ноќни клубови и дискотеки. Меѓу позначајните се кафулето Баскет, забавниот комплекс Хавана клуб во Градскиот парк, дискотеката „Парк“ во Градскиот стадион и таверната „Хавана“.
Во последно време актуелен со повторното обединување на Хавана Бенд и нивниот хит „Балада за мајка ти и татко ти“, плод на соработката со Александар Митевски.
