Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Рускиот министер за вонредни состојби и цивилна одбрана, Евгениј Зиничев, загина денеска за време на вежби во Норилск. Ова го соопшти во средата, 8 септември, прес-службата на Министерството, пренесува Русија Бијонд.
„Со жалење соопштуваме дека при вршење на службената должност во Норилск на меѓуресорните вежби за заштита на арктичката зона од вонредни ситуации трагично загина министерот за вонредни состојби на Русија Евгениј Зиничев“, соопшти Министерството за вонредни состојби, додавајќи дека министерот притоа се обидувал да спаси човек.
Зиничев се наоѓаше на чело на Министерството за вонредни состојби од 2018 година. Тој исто така беше заменик-директор на Федералната служба за безбедност на Русија (од 7 октомври 2016 година до 18 мај 2018 година) и вршител на должноста губернатор на Калининградската област (од 28 јули до 6 октомври 2016 година).
Со указ на претседателот на Руската Федерација од 21 декември 2020 година, доделен му е воен чин генерал.
Тој исто така беше носител на орденот „За заслуги пред татковината“ од IV ред со мечеви, медал на орденот „За заслуги пред татковината“ од II ред и медал „Суворов“.
