Заборавете ги филмовите: Ова се вистините што го одржуваат бракот жив
Во светот на романтичните комедии, бракот изгледа како бајка – вечери со свеќи, бескрајна страст и совршено разбирање без иеден збор.
Во реалниот живот, сепак, бракот е далеку од филмска сцена. Бракот е маратон, не спринт. Она што го одржува не се само пеперутките во стомакот, туку и способноста да се соочиме со реалноста – дури и кога таа боли. Тие вистини понекогаш се непријатни, но токму тие носат слобода и продлабочување на врската.
Во продолжение, ви ги откриваме петте вистини што многу жени ги разбираат дури со време – вистини кои не се секогаш блескави, но се клучни за љубовта да остане и да расне.
1. ЉУБОВТА НЕ Е ДОВОЛНА – НО ТАА Е ТЕМЕЛОТ
Секако дека љубовта е важна, но за успешен брак потребно е повеќе од романтична привлечност. Потребна е секојдневна посветеност – нежна грижа, трпеливост, спремност за компромис и храброст да се зборува дури и кога е најтешко. Љубовта добива вистинска вредност кога ја претвораме во дела: кога слушаме без осудување, кога сме тука и кога даваме поддршка и тогаш кога не мора да кажеме ништо.
2. КАРАЊАТА НЕ СЕ КРАЈ – ТУКУ ДОКАЗ ДЕКА ВИ Е СТАЛО
Ако некогаш се расправате, не се грижете – тоа не значи дека бракот пропаѓа. Напротив, здрава расправија е неизбежна кога две различни личности градат заеднички живот. Важно е како се расправате. Ако тоа се прави со почит, без навреди и омаловажување, преку тие конфликти можете да се разберете уште подобро. Секоја бура што ќе ја надминете заедно, ги зацврстува темелите на вашата љубов.
3. НЕ МОЖЕ ПАРТНЕРОТ ДА ВИ БИДЕ СЕ
Идејата дека партнерот може да ви ги исполни сите потреби е убава – но не и реална. За бракот да биде здрав, важно е да ја зачувате својата индивидуалност: вашите пријатели, хобија, лични цели. Да се биде во брак не значи да се изгубите себе си. Напротив, жена која се грижи за себе, ги негува своите соништа и ја живее својата слобода, внесува повеќе рамнотежа, убавина и зрелост во врската.
4. БРАКОТ БАРА РЕДОВНО ОДРЖУВАЊЕ – КАКО ШТО СЕ ГРИЖИМЕ ЗА ДОМОТ
Не може да се живее само од сеќавања на минатата страст. Бракот бара нега – низ мали, секојдневни гестови: искрен комплимент, гушка без посебна причина, прошетка заедно, вечера без мобилни телефони. Рутината лесно знае да ја задуши интимноста. Затоа, за пламенот да остане жив, треба постојано да се распирува – внимателно, свесно и со љубов.
5. ЛУЃЕТО СЕ МЕНУВААТ – А ЉУБОВТА Е СПОСОБНОСТА ДА РАСТЕМЕ ЗАЕДНО
Не сте иста жена каква што бевте пред пет години – а истото важи и за вашиот партнер. Љубовта не значи да прифатиме само какви сме биле, туку и да се научиме да го сакаме новиот, изменет лик на човекот што го сакаме. Вистинскиот брак не е оној каде што ништо не се менува, туку оној каде двајца луѓе учат да се вљубуваат еден во друг одново – низ секоја нова фаза од животот.
Бракот не е крај на љубовната приказна – туку почеток на една заедничка авантура.
Вистинскиот брак не е совршен, но е длабок, искрен и со секој нов ден сѐ повреден. Тој бара вложување, отвореност, ранливост и сила да се сака со свест – дури и тогаш кога не е лесно. И токму тие „тешки“ вистини ја прават љубовта автентична.
Не бегајте од нив. Прифатете ги со стил, грациозност и женска мудрост – зашто љубовта што се негува, расте и останува. А тоа, драги жени, е најубавата модна изјава што можете да ја носите низ животот.
