Александар Вучковски - сомелиер: Како македонските вина го освојуваат светот? ↓↓↓
Данската актерка и некогашен „Плејбој“ модел, 53-годишната Бриџит Нилсен, им ги кршела срцата на холивудските заводници и важела за една од најубавите жени на светот.
Се прослави со улогите во филмовите „Црвената Соња“, „Кобра“, „Роки“ и „Полицаецот од Беверли Хилс“, и во 80-тите години од минатиот век била идеал за убавица – висока, тенка со облини на вистинските места, тенка половина и долги нозе, била сè што мажите сонуваат. Во „Црвената Соња“ играла рамо до рамо со Арнолд Шварценегер, а од филмот „Роки“ излегла со свршенички прстен кој ѝ го дал Силвестер Сталоне.
Бриџит неодамна рекла дека имала кратка сексуална афера со Шварценегер во времето на „Црвената Соња“ и дека со неа ја изневерувал Марија Шрајвер со која подоцна се оженил.
„Се чувствував како да сум му единствена. Тогаш сфатив дека е со Марија и се почувствував измамена. Можеби не би влегла во таа авантура доколку на почетокот ми кажеше: Ќе се оженам со Марија и тоа е многу сериозно“, рекла Бриџит.
Дека славната убавица била и тоа како посакувана сведочи и бројот на нејзините бракови од кои последниот траел повеќе од 2 години. Тука бил и Каспер Виндинг со кој минала само една година. Потоа речиси веднаш стапила во брак со Силвестер Сталоне, а од него се развела во 1987 година, по две години љубов. Направила пауза во времето кое го минувала со Шон Пен, а потоа во 1990 година се омажи со Себастијан Копленд. И тоа траело само две години, а потоа во нејзиниот живот влегол Раул Мејер со кој останала подолго – дури 12 години. Една година по разводот со него, се омажила со Матио Деси. Бриџит инаку велела дека Сталоне бил многу лош во кревет, и дека се чувствувала како да му е автомобил, а не жена. Исто така рекла дека од бракот излегла незадоволена.
Долго се борела со зависноста од алкохол, а тоа кулминирало во 2012 година, кога во медиуми се појавила нејзина фотографија од парк во Лос Анџелес. Таа пиела водка директно од шишето, пушела и се клатела низ паркот. Денес, изгледа, успеала да се избори со тоа.
Бриџит денес изгледа многу поразлично, но треба да се земе предвид дека поминало многу време од периодот кога светот воздивнувал по неа. Денес е во среќен брак, ѝ е здрава и мошне успешна жена.
