Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Гоце Смилевски објави нов роман со наслов „Враќањето на зборовите“. Делото ексклузивно ќе биде изложено на штандот на издавачот „Дијалог“ на претстојниот саем на книгата во Скопје.
Романот „Враќањето на зборовите“ од Гоце Смилевски е посветен на темата за вечната борба помеѓу љубовта и амбицијата, помеѓу етичките вредности и бескрупулозната желба за власт.
Дејството се одвива преку исповедта на Елоиза, која се споменува единствено во контекст на приказната на теологот и философ од 12 век, Абелар. Романот „Враќањето на зборовите“ дава поинаква проекција на животот на Елоиза, една од најобразованите личности на своето време, која останала во сенката на Абелар, човекот во чие автобиографско дело „Историја на моите несреќи“ сликата за неа е површна.
Гоце Смилевски е автор на романите „Планета на неискуството“ (2000), „Разговор со Спиноза“ (2002), „Сестрата на Зигмунд Фројд“ (2010) и „Враќањето на зборовите“ (2015). За „Разговор со Спиноза“ ја доби наградата Роман на годинатана „Утрински весник“. За романот „Сестрата на Зигмунд Фројд“ добитник е на меѓународните признанија: Наградата за литература на Европската Унија и Наградата за медитеранска култура.
