Home Наука и техонологија Во Скопје започнува Интернационалниот детски фестивал на театар на сенки „Сонот на облачето“

Во Скопје започнува Интернационалниот детски фестивал на театар на сенки „Сонот на облачето“

Со претставата „Четири годишни времиња” на грузискиот државен театар денеска во Младинскиот културен центар почнува Интернационалниот детски фестивал на театар на сенки „Сонот на облачето”.

Фестивалот се одржува во 4. пат и ќе трае до 23 ноември.

Гости на фестивалот, како што информираат организаторите, се театарот „Fostires“ од Грција со претставата “Сенките на Езоп” и театарот од Шпанија „Teatres de la llum“ со претставата “Бубачки”.

Театарот „Сенки и облаци“ од Македонија во рамки на фестивалот ќе одржи креативна работилница за театар на сенки, каде учесниците ќе се запознаат со изработката на кукли и играта на платно со ликовите од басните на Езоп.

На просторот во фоајето на сцената Фросина за време на фестивалот ќе бидат изложени лампи со сенки, рачно изработени од локални уметници.

Организатор на фестивалот е  здружението „Сенки и Облаци“ од Скопје, со поддршка од Министерството за култура, Градот Скопје и Младинскиот културен центар во Скопје.

Вчитај повеќе поврзани статии
Comments are closed.

Check Also

Туморот престанал да се развива кај сите вакцинирани пациенти – BioNTech претстави лек против рак

Германската компанија Biontech (BioNTech) во моментов ги зголемува надежите во борбата про…