Диск голф го освојува светот, а го нема во Македонија!? ↓↓↓
Нискобуџетниот авиопревозник „Виз Ер“ ги суспендираше сите летови од скопската база до 4 април.
Овие мерки беа објавени на 18 март во 23 часот по локално време, следејќи ги рестрикциите на македонските власти во обидите да го спречат ширењето на корона вирусот, соопшти денеска „Виз Ер“.
Како што информираше вчера министерот за транспорт и врски, Горан Сугарески, со оглед на фактот дека и двата аеродрома во државава се затворени и нема операции, договорот за финансиска подршка со „Виз Ер“ е ставен во мирување, со што нема да се исплаќаат субвенциите од државата по тој основ.
„Виз Ер“ информира и дека патниците со резервирани билети погодени од суспендираните летови кои ги направиле резервациите директно на wizzair.com или на мобилната апликација на авиокоманијата, ќе бидат автоматски известени преку електронска порака. Сто и дваесет проценти од оригиналната цена ќе бидe автоматски префрлена на Wizz сметката на корисникот, и тие ќе можат да ги искористат во текот на наредните 24 месеци за купување на сите производи и услуги на „Виз Ер“.
Патниците, исто така, можат да одберат опција за враќање на парите – за која треба подолго време да се реализира – и ќе бидат информирани за сите потребни чекори за трансфер на парите преку банка или преку картичка во посебна електронска порака. Во тој случај, патниците ќе можат да изберат 100 проценти поврат на сумата.
Патниците кои направиле резервација преку туристички агенции – вклучувајќи ги и онлајн туристичките агенции – треба да ја контактираат компанијата преку која ги купиле своите билети, стои во соопштението од авиокомпанијата
