Александар Вучковски - сомелиер: Како македонските вина го освојуваат светот? ↓↓↓
Градоначалникот на Киев, Виталиј Кличко, апелираше до меѓународната заедница за поддршка и воена помош за Украина поради, како што тврди, опасноста од руска воена инвазија врз неговата земја.
„Се подготвуваме низ целата земја дека може рускиот претседател Владимир Путин да даде наредба за војна“, напиша Кличко во авторскиот текст објавен во германскиот дневен весник „Билд“.
Поранешниот светски шампион во бокс нагласи дека како војник еднаш се заколнал оти ќе ја брани државата и рекол дека е подготвен да се бори за својата татковина.
Тој напиша дека како градоначалник на украинскиот главен град организира цивилна заштита, а неговите градски власти веќе започнале со интензивирање на регрутирањето и обуката на резервистите за територијална одбрана.
„Ние сме европска земја на која и е потребна европска поддршка повеќе од кога било“, заклучи Кличко.
