Диск голф го освојува светот, а го нема во Македонија!? ↓↓↓
Околу 1000 учесници со свои маски продефилираа на централниот настан во Прилеп. Тридневниот меѓународен карневал освен од Прилеп, имаше гости од други градови на Македонија како и од Србија, Црна Гора, Хрватска, Словенија, Бугарија и Албанија. Голем број граѓани на Прилеп, како и бројни посетители од земјата и странство, дојдоа да го проследат 17. издание на прилепскиот карневал.
Посакувајќи им добредојде на учесниците, посетителите, како и на високите претставници од странство и на делегацијата од Федерацијата на европските карневалски градови, градоначалникот на Прилеп, Илија Јованоски, не го криеше задоволството од бројноста и квалитетот на групните и поединечните маски.
„Посебно ме радува тоа што во Прилеп, дојдоа голем број посетители од повеќе градови од нашата држава, како и од соседните земји, со цел да го проследат карневалот. Денеска е Прочка, затоа сакам да побараме прошка и да им дадеме прошка на нашите најблиски, што ќе придонесе да изградиме подобро општество за сите“, рече прилепскиот градоначалник, Илија Јованоски.
Погледнете ја атмосферата од годинешниот карневал:
