Кој ќе тепа на Ел Класико!? ↓↓↓
Бившиот менаџер на Арсенал, Арсен Венгер смета дека Јувентус направил одлична трансфер операција со ангажманот на Арон Рамзи.
Францускиот стратег одлично го познава Рамзи бидејќи заедно работеа во Арсенал, а притоа го посочи Јувентус како главен фаворит во Лигата на шампиони.
„Јувентус заврши одлична работа со Рамзи, бидејќи тој е неверојатен фудбалер. Малку се играчите за врска кои ги имаат неговите квалитети. Арон е способен да се вклучува во напад и да постигува голови. Исто така игра на високо ниво и помага многу во одбрана. Тој е комплетен играч за врска кој можеш да го видиш насекаде по теренот. Тоа е сериозна загуба за Арсенал, а за Јувентус огромна добивка“, истакна Венгер.
„Од Јувентус очекувам да биде балансиран против Атлетико Мадрид, бидејќи тимот на Симеоне знае како да се брани и е многу опасен од контранапади. Јувентус игра добар фудбал и според мене е фаворит. Не знам кој ќе ја освои Лигата на шампиони бидејќи се може да се случи во следните три-четири месеци. Мислам дека има четири-пет тима со одлични шанси да го подигнат трофејот“, заклучи искусниот стратег.
Arsene Wenger on Aaron Ramsey joining Juventus in the Summer. #AFC #COYG #Ramsey #Arsene #Wenger #Juventus #Arsenal pic.twitter.com/u6xzk2sGi1
— Arsenal Republic (@arsenalrepblic) February 18, 2019
„Во групната фаза Јувентус најмногу ме убеди со стилот на игра и начинот на мислење на теренот. Тимот има се што е потребно за да ја освои Лигата на шампиони и според мене е прв фаворит“, заклучи Венгер.
