Авто мото

Уште едно признание во Штутгарт: PureTech по трет пат прогласен за мотор на годината

За време на 18. Меѓународна награда за мотор на годината што се одржа во Штутгарт, меѓународното жири на новинари ја додели наградата „Мотор на годината за 2017″ на турбо бензинскиот мотор PureTech 1.2 литри со 3 цилиндри во категорија од 1 литар до 1.4 литри.

Индустриски и комерцијален успех

Трета година по ред наградата „Мотор на годината за 2017″ го потврдува комерцијалниот успех на овој успешен бензински мотор, достапен со 110 и 130 КС (PureTech 110 S&S и PureTech 130 S&S).

Факти:

Со повеќе од 850.000 веќе произведени единици во индустриските капацитети на производствената локација Фронес ди механик во Дуврин (Франција) и во Ксијанг Јанг (Кина) од нејзиното лансирање во 2014 година, овој мотор, исто така, ќе се произведува во фабриката Тремери (Франција) на крајот на 2017 година, со цел да се одговори на зголемувањето на побарувачката и двојно да го зголеми капацитетот за производство на овој мотор во Франција. Годишното производство ќе надмине 1 милион единици до 2019 година.

PureTech 1.2литарскиот мотор во верзии од 110 и 130 КС е целосно распореден на повеќе од 90 возила во 70 земји. Во 2017 година, тој придонесе за комерцијалниот успех на новите производи на PSA Групацијата, во кои го вклучуваат потполно новиот Peugeot 3008 SUV, Европски автомобил на годината за 2017 и новиот Citroen C3.

На европскиот пазар, PureTech 1.2литри со 3цилиндрично модуларно семејство претставува една третина од вкупните бензински и дизел мотори на PSA Групацијата.

Поголема ефикасност и еколошка погонска единица

Признание за сите перформанси во возењето, дури и кај најниските вртежи во минута, PureTech 1.2 литри 3цилиндричниот турбо мотор продолжува да се развива и ќе има корист од значителни подобрувања пред крајот на 2017 година, со подобрувања во ефикасноста, перформансите и потрошувачката на гориво (до 4 насто):

-воведување на филтер за честички на бензинските мотори за намалување на штетните честички на емисиите за повеќе од 75 насто во очекување на идните стандарди за регулирање на емисијата во 2020 година во Европа и Кина;

оптимизација на ефикасноста, поради еволуцијата на циклусот на согорување и притисок за вбризгување на горивото од 250bar;

намалување на механичкото триење и воведување нов турбополнач;

правејќи го моторот покомпактен за да ја оптимизира аеродинамиката на каросеријата (SCx добивки).

Коментирајќи ја наградата, Кристијан Чапел, потпретседател на одделот „Инженеринг за моторен погон и шасии“ на PSA Групацијата, изјави: „Добивањето на оваа награда го потврдува извонредниот квалитет и перформансите на нашите бензински мотори. Продолжуваме да ги оптимизираме моторите со внатрешно согорување и да ги направиме повеќе ефикасни и сè повеќе еколошки, за што подобро да се справуваат со предизвиците на енергетската транзиција”.

Advertisements
To Top