Александар Вучковски - сомелиер: Како македонските вина го освојуваат светот? ↓↓↓
Генералниот директор на Интер, Бепе Марота вчера потврди дека Мауро Икарди не влегува во плановите на клубот и дека е ставен на продажба.
Иднината на Икарди е главна тема во италијанските медиуми, бидејќи самиот играч преку својот агент Ванда Нара се противи и сака да остане во Милано.
За неговиот потпис силен интерес покажуваат Јувентус и Наполи, а последните информации од Апенините се дека Аргентинецот веќе има договор со „старата дама“.
Сега во трката за неговиот потпис се вклучи и Атлетико Мадрид, кој е во потрага по напаѓач бидејќи Диего Коста е на излезна врата во клубот.
Симеоне смета дека Икарди ќе биде идеален партнер на Алваро Мората и е спремен да понуди 60 милиони евра.
Сепак, играчот и неговата сопруга во моментов не сакаат да ја напуштат Италија и преферираат трансфер во Серија А.
