Александар Вучковски - сомелиер: Како македонските вина го освојуваат светот? ↓↓↓
Русија во текот на ноќта нападна украински територии со проектили и ирански беспилотни летала ,,камикази“.
Најмалку седум лица загинаа, а осум се повредени по руски напад на преполн пазар во градот Авдиивка, во украинската област Доњецк, а утринава руски проектили го погодија и градот Миколаев.
„Погодена е петкатна станбена зграда, двата горни ката се целосно уништени, останатите се под урнатини. Спасувачите работат на местото“, рече градоначалникот на Миколаев, Олександар Сенкевич во објавата на социјалните мрежи, додавајќи дека јужниот град на Украина е „масовно гранатиран“.
Русија, исто такa гаѓаше населба во регионот на главниот град на Украина, Киев, користејќи експлозивни дронови .
Олексиј Кулеба, гувернер на регионот Киев, рече дека прелиминарните информации укажуваат на тоа дека нападите биле извршени со муниција од иранско производство.
Исто така критичните инфраструктурни објекти биле погодени од беспилотните летала.
