Актуелно

Уапсени над 120 мафијаши од италијанската Камора

Над 120 мафијаши, припадници на италијанската криминална организација Камора беа уапсние во специјална полициска операција која беше спроведена во различни делови на Италија, пренесува Би-Би-Си.

Италијанските безбедносни сили утрово соопштија дека се притворени стотици учесници во организираната криминална група.

– Во операцијата против Камората се конфискувани имоти и други предмети во вкупна вредност од 130 милиони евра, соопшти Министерството за внатрешни работи во Рим.

Притворените членови на влијателните мафијашки кланови Контини, Милардо и Личарди се обвинети за создавање и учество во организирана криминална група, рекетирање, трговија со оружје и наркотици, перење пари и друго.

Доколку бидат прогласени за виновни, тие можат да добијат доживотни казни.

Advertisements
To Top