Александар Вучковски - сомелиер: Како македонските вина го освојуваат светот? ↓↓↓
Германското обвинителство соопшти дека е уапсен осомничениот за неодамнешниот бомбашки напад врз автобусот на фудбалскиот клуб Борусија Дортмунд.
Русин со германско државјанство е осомничен за нападот врз автобусот кој фудбалерите на Борусија Дортмунд ги превезуваше од хотелот до стадионот. Германското обвинителство објави дека е уапсен 28-годишниот Сергеј В.
Обвинителите се сомневаат дека тоа го направил од финансиски причини. Имено, тој верувал дека после нападот вредноста на акциите на Борусија Дортмунд драстично ќе опадне на берзата.
Германските медиуми објавија дека Сергеј В. на денот на нападот бил во истиот хотел во кој биле сместени и фудбалерите и дека неговата соба гледала кон улицата, во која се случија експлозиите.
