Александар Вучковски - сомелиер: Како македонските вина го освојуваат светот? ↓↓↓
Како резултат на пандемијата на коронавирусот која го потресе светот, најмоќната и најголема европска економија, германската, потона во рецесија поради пандемијата од коронавирус, забележувајќи најголем пад на активност во првиот квартал од финансиската криза. Министерството за финансии предупредува дека податоците за вториот квартал ќе бидат уште полоши.
Сезонски и календарски прилагодениот германски БДП падна за 2,2 проценти во првите три месеци од оваа година во однос на претходните три месеци. Централното биро за статистика соопшти дека потрошувачката на домаќинства паднала нагло. Инвестициите во машини и опрема опаднала, додека увозот и извозот „забележал силен пад“.
Германија им се придружи на Франција и Италија
Ова значи дека Германија им се придружи на Италија и Франција и е технички во рецесија што некои економисти го дефинираат како две последователни четвртини опаѓачката активност. Францускиот БДП падна за 5,8% во првиот квартал, додека на Италија за 4,7%.
Сепак, најлошото допрва доаѓа, пишува Си-Ен-Ен. Џек Ален-Рејнолдс од „Capital Economics“ вели дека германскиот БДП би можел да падне за дури 10% во вториот квартал.
„Мерките почнуваат да се олеснуваат. Но, закрепнувањето на Германија ќе биде попречено од проблемите што се појавија на други места во Европа“, рече тој.
Отворањето на фабриките нема да ја спаси економијата
Производството во кинеските фабрики е во пораст за прв пат откако започна пандемијата. Ова е добра вест, но тоа не значи дека втората по големина светска економија наскоро ќе се врати во целосна моќ.
Потсетуваме, кинеската економија се намали за 6,8% во првиот квартал во однос на година порано и на потрошувачите им е сè потешко да решат да трошат. Регистрираната стапка на невработеност беше шест проценти во април и беше малку повисока од претходниот месец. Предизвиците во услужниот сектор остануваат големи, особено во малопродажбата, што е прикажано со пад на прометот од 7,5 проценти во април.
Ова значи дека ќе поминат неколку месеци пред економиите на земјите погодени од пандемијата навистина да започнат да закрепнуваат.
Тежок период за Соединетите држави
Повеќе од 36 милиони Американци ги загубија своите работни места од средината на март, или од почетокот на пандемијата во областа, што стави многу домаќинства во финансиска незавидна состојба.
Треба да се напомене дека пандемијата на коронавирус сè уште трае. Многу потрошувачи сè уште не се подготвени да ризикуваат и да ги напуштат своите домови за да посетуваат ресторани или трговски центри.
Американските власти соопштија вчера дека кризата најсилно ги погодило најсиромашните граѓани. Скоро 40% од оние Американци кои заработуваат помалку од 40.000 американски долари годишно ги загубија своите работни места.
Сподели
