Уствари викендов е затишје пред бура! ↓↓↓
Бившиот личен адвокат на актуелниот американски претседател Доналд Трамп, Мајкл Коен, доби осудителна пресуда за тригодишна казна затвор поради лажење во истрага и кршење на правилата за финансирање предизборни кампањи, пренесуваат агенциите.
Коен пред судот изјави дека презема „целосна одговорност“ за сите дела за кои е обвинет. Тој денес пред судијата изјави дека „живеел во личен и ментален затвор“ откако се согласил да работи за Трамп. Тој кажа и дека Трамп го наведувал да им исплаќа пари на жени, меѓу кои е и порно глумицата Сторми Даниелс.
Тој истакна и дека „слепата лојалност“ кон Трамп го одвела „на патот на темнината наместо на светлината“.
COHEN rep Lanny Davis says he’s ready to talk to Congress about Trump *after* Mueller finishes his investigation, suggests there’s more to tell. pic.twitter.com/NOlciiBSqx
— Kyle Cheney (@kyledcheney) December 12, 2018
Адвокатот на Коен изјави дека неговиот клиент изнел докази против „најмоќниот човек во земјата“.
Коен сега треба да се предаде за отслужување на казната на 6 март 2019, кога почнува неговата тригодишна затворска казна. Неговата пресуда е најдолгата досега донесена како резултат на истрагата на специјалниот истражител Роберт Мјулер. И покрај високиот профил на случајот на Коен, тој сепак е сѐ уште неповрзан со „рускиот заговор“ околу претседателските избори во САД кој Мјулер доби задача да го истражи пред повеќе од една година
