Александар Вучковски - сомелиер: Како македонските вина го освојуваат светот? ↓↓↓
Додека се подготвува да изведе удар на голф теренот, играчот кој бил покрај Доналд Трамп го претставува како „45 претседател на САД“, додека Трамп на тоа самоуверено одговара „45 и 47 претседател“, пред да замавне со палката и да го удри топчето.
Видеото кое се појави на интернет е потсетник дека поранешниот претседател има намера да се кандидира за претседател во 2024 година.
Истрагите, кои се водат во повеќе судови, разгледуваат сè од потенцијална измама и мешање во изборните резултати, до потенцијалната улога на Трамп во немирите од 6 јануари минатата година, кога загинаа пет лица.
Асошиејтед прес пишува дека популарноста меѓу републиканците му паднала на 71 отсто, во споредба со 78 отсто во септември 2020 година, врз основа на анкетите.
Меѓутоа, нова анкета покажува дека речиси тесно мнозинство републиканци, од 56 отсто, сакаат да го видат како претседателски кандидат на изборите во 2024, додека 44 отсто се против.
