Александар Вучковски - сомелиер: Како македонските вина го освојуваат светот? ↓↓↓
Во пожар кој се случи синоќа во скопската општина Кисела Вода, до темел изгоре куќата на Тони Атанасовски. Обезбедено е привремено сместување за сопственикот Атанасовски, а од општината најавуваат помош за повторна изградба на куќата.
На местото на настанот, како што информираа од општина Кисела Вода, бил градоначалникот Орце Ѓорѓиевски и отецот Оливер од хуманитарната организација “Св. Спас”.
„Ова е траорна ситуација, тажна и многу потресна. Во наредниот период, сите хумани сили ќе ги насочиме кон помош на мојот сограѓанин Тони Атанасовски. Повторно ќе го изградиме неговиот дом. Ја разбирам неговата болка и затоа започнуваме заедничка иницијатива со отец Оливер, a воедно ги повикуваме и сите општествено одговорни компании и фирми од Кисела Вода да се вклучат и да помогнат, за овој наш сограѓанин да не ја почувствува празнината за овие празници, туку да му помогнеме и да го направиме среќен“, изјавил Ѓорѓиевски.
