Александар Вучковски - сомелиер: Како македонските вина го освојуваат светот? ↓↓↓
Најмалку 44 загинати и 150 повредени е црниот биланс кој е резултат на стампедо за време на верски фестивал во северен Израел, пренесоа израелските медиуми.
„Jерусалим пост“ пренесува дека 44 лица го загубиле животот во трагедијата, како и дека десетици возила и шест хеликоптери ги превезувале повредените. Медиумите известуваат и дека социјалните служби се обидуваат да ги соберат сите деца кои се разделиле од своите родители за време на хаосот.
„Сè се случи во дел од секундата, луѓето само што почнаа да паѓаат, да газат едни врз други. Тоа е катастрофа“, рече Харец еден од сведоците.
נורא לראות את הצפיפות שהיתה במעבר הצר, ואת הדוחק העצום שהוביל בסוף לאסון הקשה והמחריד. pic.twitter.com/1RE7FggFXt
— ישראל כהן (@Israelcohen911) April 29, 2021
Повикувајќи се на полициски извори, весникот наведува дека стампедото започнало кога некои од учесниците на фестивалот се лизнале по скалите.
Ова е најголемата манифестација што се одржува од почетокот на пандемијата на коронарниот вирус, на која, според организаторите, присуствувале околу 100.000 луѓе во четвртокот вечерта.
На социјалните мрежи се објавени снимки на кои се гледаат илјадници луѓе кои свират под ритамот на музиката што доаѓа од сцената пред несреќата.
לכבוד התנא: עשרות אלפים בהדלקה המרכזית של תולדות אהרן שמרעידה את הההר מצד לצד pic.twitter.com/b2pMQsXv1z
— משה ויסברג (@moshe_nayes) April 29, 2021
Израелските здравствени власти претходно апелираа до граѓаните да не одат на фестивалот, плашејќи се дека таквиот собир може да предизвика ширење на вирусот корона.
