Кој ќе тепа на Ел Класико!? ↓↓↓
Фудбалскиот клуб Победа денес потврди дека капитенот Тофилоски и најдобриот стрелец на Зоран Даноски ја продолжија соработката со прилепскиот клуб.
По дефинирањето на условите со клупското раководство на Победа, двајцата носители на играта од претходната сезона, ја продолжија верноста кон прилепскиот клуб.
Даноски потпиша двегодишен договор, додека пак Тофилоски ќе остане уште една сезона. Покрај овие двајца фудбалери во тимот ќе останат Ристе Марковски, Христијан Драгарски, Антонио Каланоски и Саше Шопоски, како и Никола Јаќимовиќ и Александар Исаевски.
Во Прилеп се најавени и двајца интернационалци, од кои еден шпиц од Бразил. На проба е 20-годишниот крилен и централен напаѓач Богдан Мандиќ, кој потекнува од школата на ОФК Београд.
Победа првиот тест меч ќе го одигра на 4. јули со Беласица во Струмица, а пред поаѓањето на подготовки во Банско предвидено за шест дена подоцна ќе одигра уште еден пријателски натпревар.
