Како човечки суштества, природно тежнееме кон спонтаност во спалната соба, но со текот на времето може да ја изгубиме самодовербата и фантазијата.
Ако сакате да ја разбиете рутината во интимниот живот, ги имаме вистинските совети за вас.
ГЛЕДАЈТЕ НА СЕКСОТ КАКО НА ВЕШТИНА
Сексот треба да се разбира како нешто во кое постојано треба да се вложува. Читајте книги и размислувајте за минати сексуални искуства за подобро да ги разберете своите желби и склоности. Немојте да се плашите да истражувате нови информации – љубопитноста ќе ве изненади и ќе ве инспирира да научите повеќе. Љубопитноста бара отвореност, што може да ве извлече од статичните сексуални шаблони. Вложете во интимниот живот на ист начин како во социјалниот живот. Договорете се да пробате нешто ново секои неколку месеци – тоа може да биде нова играчка или лубрикант. Магијата се случува тогаш кога престануваме да го сфаќаме сексот премногу сериозно.
НАПРАВЕТЕ ЛИСТА НА ЖЕЛБИ
Направете листа „да, не и можеби“ со вашиот партнер, за да размените идеи околу тоа што би сакале да пробате, како и за границите и преференциите. Оваа листа е одличен начин да се потсети парот на сите можности кога станува збор за интимноста и сексот. Не мора веднаш да нурнете во Камасутра – размислете за заедничка мастурбација или подготвување вечера додека слушате еротски аудио приказни. Дозволете си себеси и на партнерот да бидете разиграни и запомнете – сексот треба да биде забава.
ИЗГРАДУВАЈТЕ УЗБУДА
Во долгите врски често се гради силна емоционална врска, што е прекрасно за љубовта, но не секогаш оди рака под рака со сексуалната возбуда. Добрата вест е дека еротската напнатост може и самостојно да се создаде, дури и во стабилна врска – клучот е создавање на „пречка“ што ќе предизвика возбуда. Времето и дистанцата се одлични алатки. Кога заминувате на работа наутро, разменете заводливи допири и бакнежи. Пречката тука е во тоа што двајцата знаете дека не можете да одите понатаму во моментот, што создава возбуда. Оставете си пораки или испраќајте си заводливи пораки преку денот.
ПАМЕТНО КОРИСТЕТЕ ГО ДОПИРОТ
Допирот е мајката на сите сензации. Тој е централниот дел на сексуалното задоволство, но често не сме свесни како го доживуваме и споделуваме. Понекогаш се појавува потиснато незадоволство, особено кај жените и мајките, кои можат да имаат чувство дека се премногу допирани. Направете простор за допири без сексуални намери – понудете масажа секоја недела или две и избегнувајте иницијативи за сексуален контакт. На тој начин се создава длабока доверба и се овозможува уживање во допирот без притисок за секс.
ВЛОЖЕТЕ ВО ДОДАТОЦИ
Сексуалните додатоци се ваши сојузници. Тие го збогатуваат искуството, а не го заменуваат партнерот. Играчи односно помагала го поттикнуваат интуитивниот пристап, за разлика од придржувањето до културни шаблони. Размислете што двајцата сакате и донесете одлука според вашите вкусови, не според општествените очекувања. Ако уживате во масажи, пробајте свеќа за масажа или свилени ленти за лесна игра со врзување.
