Александар Вучковски - сомелиер: Како македонските вина го освојуваат светот? ↓↓↓
Поп пејачката Бритни Спирс сака да се ослободи од старателството од нејзиниот татко Џејми, кој е задолжен за нејзината кариера, финансиите и сите одлуки во врска со нејзиниот живот, веќе дванаесет години откако sвездата доживеа нервен слом. Бритни сега сака повторно да се ослободи од него затоа што сака повторно да стане мајка.
Пејачката веќе има две деца, синовите Шон (14) и Џејден (13), со поранешниот сопруг Кевин Федерлајн, со кого се разведе во 2007 година по три години брак. Но, сега Бритни, со своето младо момче, тренерот Сем Асгари (26), би сакала да основа семејство и да има уште едно дете. Таа желба ја образложи минатата недела на судот во Калифорнија, затоа што нејзиниот татко, меѓу другото, остро се спротивставува на тоа повторно да стане мајка.
– Таа отсекогаш сакала големо семејство и сака да биде независна. Тој сака да донесе уште повеќе одлуки за нејзиниот живот. Таа се држи до нејзината кариера, но улогата на мајка е најважната работа во нејзиниот живот и таа сака да има бебе со мажот што го сака – велат извори блиски до пејачката, која се обиде да се ослободи од „притисокот“ на нејзиниот татко минатата недела. Бидејќи, наводно, нејзиниот татко не и дозволува да го напушти домот, да вози автомобил и слично, додека, неверојатно, сепак и е дозволено да работи и да заработува пари.
Нејзините фанови се цврсто покрај неа. Едно време, тие започнаа кампања наречена #FreeBritney, каде се истакна дека пејачката практично е заробена во нејзиниот дом и која повторно се разгоре со најновите настани. Кампањата вроди со плод, бидејќи сослушувањето започна во јули, по што беше преиспитано решението за старателство и беше одлучено Бритни да остане под старателство на нејзиниот татко, барем до февруари 2021 година.
Сепак, сега, според новата пресуда, помладата сестра на Бритни, 29-годишната Џејми Лин Спирс, доби дозвола да управува со нејзината фондација, која пејачката ја основала уште во 2004 година за да ги заштити парите што ги поседува и да ја осигура финансиската иднина на нејзините деца. Џејми Лин ќе се грижи за недвижностите на нејзината сестра и други работи на имотот, како и за финансиите.
Во меѓувреме, медиумите наидоа на документи во кои адвокатот на Бритни Спирс бара недвижностите и парите да бидат привремено згрижени од нејзиниот менаџер Џоди Монтгомери, кој остро се спротивставува на таткото и натаму го контролира богатството на Бритни.
Џејми Спирс во интервју за американскиот NY Post зборува за кампањата која го претставува како опортунист што сака да го контролира емотивниот и финансискиот живот на својата ќерка.
– Ја сакам ќерка ми и сите мои деца. Секоја година треба да го пријавувам на суд секој цент што го трошам. Како по ѓаволите, можев да украдам нешто? – им рече револтираниот татко Спирс на новинарите, додавајќи дека е вознемирен од агресивните фанови кои учествуваат во движењето #FreeBritney.
– Овие теоретичари на заговор немаат идеја. Има и такви кои ми се закануваат со смрт. Не сакаме такви фанови – истакна Џејми Спирс.
Говорејќи за семејството Спирс, да потсетиме дека пред една година, во пресрет на последниот преглед на менталното здравје на американската музичарка, нејзината мајка Лин Спирс исто така побара старателство. Таа исто така поднела барање до судот да има увид и надлежност врз финансиите на нејзината ќерка, но судот го одбил тоа.
Бритни сега побара судот да биде заменет со Џоди Монтгомери, нејзиниот менаџер, кој беше нејзин привремен старател кога таткото на пејачката поднесе оставка за кратко време поради болест. Но, судот го одби ова барање и донесе одлука дека Џејмс Спирс останува чувар на неговата ќерка барем до 1 февруари 2021 година.
Ова ги фрли во очај нејзините обожаватели, иницијатори и приврзаници на кампањата #FreeBritney, кои не планираат да запрат и ќе се борат, велат тие, сè додека не се задоволи правдата и нивното милениче не се ослободи од занданата каде што се вели дека ја држи нејзиниот татко.
