19-годишната Стефани дел Вале, овогодишна Мис Порто Рико, победи на изборот за убавина „Мис на светот 2016“, што се одржа синоќа во Оксон Хил, близу Вашингтон.
Црнокосата студентка ја доби круната од Шпанката Миреа Лалагуна, која победи на минатогодишниот избор во Кина.
Miss World 2016 is…Stephanie Del Valle from Puerto Rico! pic.twitter.com/IIv7LqZAUi
— Miss World (@MissWorldLtd) December 18, 2016
Чест и голема одговорност е да бидам претставничка на Карибите, изјави убавицата.
Вале говори три јазика – шпански, англиски и француски. Нејзиниот животен сон е да работи во забавната индустрија.
За прва придружничка беше прогласена Јарица Рамирез од Доминиканската Република, а трета беше „Мис Индонезија“ – Наташа Мануела.
Во најтесниот круг од пет девојки, односно во финалето влегоа и претставничките на Кенија и Филипините.
