Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Коронавирусот повеќе не претставува глобална здравствена вонредна ситуација, порача во соопштението за јавноста Светската здравствена организација (СЗО), што е голем чекор кон завршување на пандемијата која уби повеќе од 6,9 милиони луѓе, ја наруши глобалната економија и опустоши заедници.
„Вчера Комитетот за вонредни ситуации се сретна по 15 пат и ми препорача да прогласам крај на вонредната ситуација во јавното здравство од меѓународно значење. Го прифатив тој совет. Затоа со голема надеж прогласувам дека ковид-19 повеќе не е итна глобална здравствена ситуација“, кажа генералниот директор на СЗО Тедрос Адханом Гебрејесус.
Комитетот на СЗО за итни случаи првпат прогласи дека ковид претставува нејзино највисоко ниво на тревога пред повеќе од три години, на 30 јануари 2020. Статусот помага меѓународното внимание да се насочи на заканата по здравјето, како и да се зајакне соработката на вакцините и лекувањето.
Укинувањето е знак за напредокот кој светот го постигнал во овие области, но ковид-19 останува, соопшти СЗО, дури и ако повеќе не претставува итен случај.
Стапката на смртност се намали од врвот од повеќе на 100.000 луѓе неделно во јануари 2021 на нешто повеќе од 3.500 во неделата, 24 април, според податоците на СЗО.
„Меѓутоа, тоа не значи дека ковид-19 повеќе не е глобална здравствена закана“, кажа Гебрејесус.
СЗО не прогласува почеток или крај на пандемија, иако почна да го користи терминот ковид во март 2020 година.
