Европскиот шампион Реал Мадрид на Светското клупско првенство после продолженија славеше над Кашина со 4:2, меѓутоа дамка на победата на „кралевите“ фрли судијата Џени Сиказве.
Имено, главниот судија во последните минути од натпреварот му прогледа „низ прсти“ на капитенот Серхио Рамос и не му покажа втор жолт картон иако имаше намера да го направи тоа.
Арбитарот од Замбија најпрво се фати за џеб да му додели жолт картон, но кога свати дека тоа ќе биде исклучување ја промени одлуката и тоа стана главна тема во светските медиуми.
Сиказве после натпреварот се огласи за спорната ситуација и ја објасни својата одлука велејќи дека станувало збор за „недоразбирање“ со неговиот колега.
„Помошникот ме предупреди за прекршокот и преку слушалки ми рече ’не е за картон’, но јас слушнав само картон“, објасни судијата.
