Александар Вучковски - сомелиер: Како македонските вина го освојуваат светот? ↓↓↓
Во глобала, позначајните метео случувања за вторник, 13 декември, ќе се одвиваат во текот на раните утрински часови, кога ќе биде нешто пооблачно, па во повисоките делови од северниот регион ќе има услови за повремено провејување на снег.
Во секој случај, ништо сериозно. Наутро облачноста генерално ќе се намалува, но ќе започне еден краток временски период на ветровито време. Долж повардарието ќе дува умерен, а повремено и засилен северен ветер.
Минималната температура ќе биде во границите од -4°С до 1°С.
Во однос на понеделник, температурата ќе бележи пад на максималната вредност и ќе биде помеѓу 2°С и 5°С низ поголем дел од котлините, а на југ околу 7°С.
Скопскиот регион очекува претежно облачно време рано наутро. Попладне облачноста значително ќе се намали. Околу пладне ќе дува умерен до засилен северен ветер. Минималната температура ќе има вредност околу -2°С, додека вредноста на максималната температура ќе биде околу 3°С.
