Александар Вучковски - сомелиер: Како македонските вина го освојуваат светот? ↓↓↓
Украинските сили бројат човечки загуби во убиени и ранети во Донбас и до илјада луѓе дневно. Ова го изјави шефот на фракцијата на партијата Слуга на народот во Врховната Рада и шефот на украинската делегација на мировните преговори со Русија Даид Арахамија за време на посетата на САД, пренесува „Аксиос“.
Според Арахамија, во Донбас секој ден умираат меѓу 200 и 500 украински војници; бројот на повредените е „многу поголем“, пишува „Аксиос“.
Украинскиот претседател Володимир Зеленски на крајот на мај изјави дека земјата секојдневно има меѓу 60-100 луѓе убиени во Донбас и 500 ранети. Според Арахамиа, бројот на жртвите значително се зголемил во последните две недели.
Украина мобилизираше милион луѓе во армијата и може да мобилизира уште два милиони, но тие треба да бидат вооружени, рече Арахамија: „Имаме луѓе обучени за напад, контранапад, но за ова е потребно оружје“.
Арахамија ја предводи украинската делегација во Вашингтон оваа недела за да лобира кај администрацијата на Бајден и Конгресот да го зголемат темпото на испорака на оружје и да ја признаат Русија како државен спонзор на тероризмот – тема што тој рече дека планира да ја покренe со претседателката на Претставничкиот дом Ненси Пелоси.
