Александар Вучковски - сомелиер: Како македонските вина го освојуваат светот? ↓↓↓
Срѓан Ѓоковиќ, таткото на тенискиот ас Новак Ѓоковиќ, во Австралија позираше со навивачи со знамиња на Русија и го извикуваа името на Владимир Путин, поради што српскиот тенисер и неговиот тим добија предупредување од организаторот на Австралија опен.
Видеото на кое таткото на Ѓоковиќ вели: „Да живее Русија“, стана вирално на социјалните мрежи. А во австралиските и британските медиуми доминираат фотографиите од Срѓан Ѓоковиќ како позира со знаме на Русија со ликот на Владимир Путин, тие обвинуваат дека се шири руска пропаганда.
„Таткото на Новак Ѓоковиќ, Срѓан е снимен како се слика со подржувачи на рускиот претседател Владимир Путин на Австралија опен. Срѓан Ѓоковиќ на сликата е со маж кој држи руско знами со лицето на Путин и носи маица со симболот Z. Руските и белоруските знамиња и симболи се забранети во Мелбурн пак“, објавува „Би-Би-Си“.
No vídeo, Srdjan Djokovic fica ao lado de um homem com uma bandeira russa, que tem a letra Z em sua camiseta, e depois diz ‘Viva os russos’. pic.twitter.com/uJICiYHxje
— Julio Cesar (@vergonhadepais1) January 26, 2023
„Телеграф“ пренесува дека организаторите на Австралија опен веќе побарале од тимот на српскиот тенисер да се воздржат од политички изјави.
Тениската федерација на Австралија го предупреди Новак Ѓоковиќ и неговиот татко дека не е дозволено да се промовираат политички ставови во текот на турнирот.
„Мала група на луѓе истакна непристојни знамиња и симболи и му се закануваше на обезбедувањето по мечот во средата навечер. Тие беа отстранети. Играчите и нивните тимови се информирани во врска со знамињата и симболите со цел да се избегнат непријатни ситуации. Продолжуваме блиску да соработуваме со безбедносните агенции и агенциите за спроведување на законите“, пишува Тениската федерација на Австралија.
