Александар Вучковски - сомелиер: Како македонските вина го освојуваат светот? ↓↓↓
Премиерот Зоран Заев оствари средба со Џерад Коен, еден од првите луѓе на една од најразвиените светски компании Google Jigsaw.
Изразена е поддршка за промените што се случија во Македонија, што ги предводи новата Влада, како и за можностите за млади и за економски развој што ги отвора Владата. Премиерот Заев ги претстави условите за инвестирање во Македонија.
„Со политиките на новата Влада, ја отворивме Македонија за светот како и за младите и креативни луѓе кои сакаат да придонесат за економскиот развој на државата, но и ја гледаат нивната иднина во својата земја. Преку бизнис инкубаторите и старт ап центрите, фокусирани сме, како Влада, на поддршка на компании и поединци со иновативни идеи. Заинтересирани сме да ги поддржиме и добрите иницијативи во ИТ секторот и технологијата“, рече премиерот Заев.
На средбата, претставници на Google Jigsaw што го придружуваа високиот претставник на компанијата, Коен, соопштија оценка од нивната скорешна посета на Македонија, дека земјата има млади креативни луѓе кои би можеле да придонесат во иновативниот, технолошкиот, ИТ сектор.
На состанокот се разговарало за идеи за соработка во Република Македонија. И двете страни се согласуваат дека поставена е основа за развивање на соработката.
