Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Синиша Дабиќ, вработен во белградскиот аеродром „Никола Тесла“, пронашол изгубени 40.000 евра и ги вратил на сопственикот.
„Тоа се случи пред аеродромот, ја забележав црната торба на количките за багаж. Видов лаптоп и паричник со пари“, раскажа Дабиќ за српските медиуми.
Тој црната торба ја нашол на паркингот, ја отворил и внатре имало лаптоп компјутер и полн паричник. Чесниот пронаоѓач за своето дело не сакал никаква награда.
– Го запознав човекот, дојде по половина час и целиот беше среќен. Со години работел во Норвешка, дошол со парите и ги загубил. Кога ги изброи парите и се увери дека се е на место, ми даде 50 евра. Јас не сакав да ги земам, тој инсистираше, па тогаш ги зедов и ги почестив колегите, изјави Дабиќ.
Неговите колеги пак, велат дека тој е примерен работник.
Дабиќ е вработен веќе 33 години на аеродромот Никола Тесла, а на 10 март му било роденден, како и на човекот чии пари ги нашол.
