Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Директорот на Канцеларијата за Косово и Метохија на српската влада Петар Петковиќ синоќа се обрати на вонредна конференција за медиуми по тензиите на северот на Косово.
„Како што предупредивме, (косовскиот премиер Аљбин) Курти продолжи со незаконските и насилни акции со цел окупација на северот на Косово и Метохија. Околу 300 до 350 полицајци, некои со панцири, како и припадници на специјалните сили РОСУ со полна воена опрема и оклопни возила упаднаа на северот на КиМ… Потоа се распоредија и ја блокираа цела Косовска Митровица, и се стационираа во мешаните населби на северниот дел на Косовска Митровица“, кажа Петковиќ.
Тој истакна дека тие немаат право да бидат таму, туку само полицијата на директоратот Север.
„Јас ќе повторам особено за оние од Западот дека албанската полиција од југот упадна на северот на Косово и Метохија иако тоа е спротивно на Бриселскиот договор. Тоа сите добро го знаат и сите се прават луди и му дозволуваат на Курти да почнува вакви акции чија цел е да го уништат Бриселскиот договор“, кажа тој.
„Сега, имајќи предвид дека Курти сака да предизвика насилство и да ги протера Србите од КиМ, Белград ќе размисли за враќање до 1.000 припадници на нашите безбедносни сили на Косово и Метохија според Резолуцијата 1244 (на Советот за безбедност на ОН)“, кажа Петковиќ.
„Нека водат добро сметка тие на Западот, особено менторите на косовската независност, да не бидат изненадени од одлуките на Белград, бидејќи не сме ние тие кои провоцираат, го кршат Бриселскиот договор, туку сето тоа го прави Аљбин Курти и тоа очигледно некој му го дозволува“, кажа Петковиќ.
