Тандемот Костадин Стојаноски и Гоце Кантар под проектното име „Луциден сон“ внесуваат нова енергија на македонската музичка сцена.
Нивниот прв сингл, „Немирно време“ веќе е достапен во јавноста и наиде на позитивни критики и прием кај слушателите кои имаа можност да ја чујат песната.
„Немирно време треба да најави освежување и нов звук на македонската алтернативна музичка сцена, кој сигурно веќе подолго време недостасува. Оваа песна се обидува да го отслика времето во кое живееме, но истовремено е и мотив кој побудува надеж и желба за поинакво утре“, вели Костадин Стојаноски од „Луциден сон“.
Текстот и музиката ги потпишува Стојаноски, а миксот и вокалот се на Гоце Кантар.
Од Луциден сон најавуваат активна 2021 година, со уште неколку идеи кои допрва ќе бидат промовирани.
