52-годишниот Маркос Љ., 47-годишниот Драган В. и 42-годишниот Марко. Р. се уапсени поради инцидентот што се случи кога сплавот „Фристајлер“ потона во реката на новогодишната ноќ.
Директорот, управителот и сопственикот на овој сплав се осомничени дека на 31 декември 2022 година дозволиле на сплавот повеќе луѓе од капацитетот на овој објект, кој делумно потонал и со тоа ја загрозил безбедноста на поголем број луѓе.
На осомничените им е одреден притвор до 48 часа, по што заедно со кривична пријава ќе бидат изведени во Третото основно јавно обвинителство во Белград.
„Притворот им е одреден поради сторени тешки кривични дела против општата безбедност од чл.288 ст.1 во врска со чл.278.ст.3.а во врска со ст.2 и ст.1 од Кривичниот законик, а во врска со потонувањето на сплавот на ноќниот клуб Фристајлер“, соопшти Третото основно јавно обвинителство во Белград.
Ним им се заканува казна затвор од 1 до 8 години за кривично дело против општата безбедност.
Инаку, сплавот „Фристајлер“ почна да тоне на 1 јануари по полноќ, по што следеше општа паника, но за среќа гостите и екипажот на сплавот успеаја да избегаат.
