Актуелно

Сончева и топла среда, од утре заладување и дожд

Денес, втори октомври, во Македонија ќе имаме сончево и топло време, со мала до умерена облачност. Ќе дува слаб до умерен ветер од јужен правец. Утринската температура ќе се движи од шест до 15, а дневната од 24 до 31 степен.

Во Скопје, сончево со мала облачност и со слаб до умерен југоисточен ветер. Утринската температура ќе се спушти до 13, а дневната ќе се искачи до 30 степени

Под влијание на влажен бран во четврток и петок ќе настапи наоблачување со врнежи од дожд. На места ќе биде нестабилно со пороен дожд, грмежи и засилен ветер. Пообилни врнежи ќе има во четврток доцна попладне и во текот на ноќта кон петок (локално над 30 л/м2).

Ќе дува засилен северен ветер кој ќе предизвика значително опаѓање на температурата.

Advertisements
To Top