Четвртиот октомвриски ден за 2022 година во Македонија носи сончево и посвежо време со мала до умерена облачност. Ќе дува слаб до умерен, долж Повардарието повремено засилен ветер од северен правец. Минималната температура ќе биде во интервал од 1 до 10, а максималната од 14 до 22 Целзиусови степени.
Во Скопје сончево со умерена облачност и со слаб до умерен, повремено засилен ветер од северен правец. Минималната температура ќе биде 5, а максималната ќе достигне до 18 степени. Маврово 11, Охрид и Битола 18, Крива Паланка и Берово 14, Кавадарци 19, Дојран 22.
Следува период на стабилно време со ниски утрински температури, а дневните од четврток ќе бидат во пораст. Утре ќе дува повремено засилен, а потоа слаб до умерен северен ветер.
