Власта останува на ставот дека буџетот е развоен и насочен за помош на граѓаните и стопанството во услови на криза, додека опозицијата дека и овој план е потврда за недомаќинско работење со парите од граѓаните.
За владејачката СДСМ планираните проекти се од интерес за граѓаните и треба да продолжат политиките кои, според нив, ќе резултираат со излез од кризата и поголем економски раст. За ВМРО-ДПМНЕ неприфатливо е да се трошат пари за непродуктивни цели во услови на здравствена, економска и енергетска криза.
Предлог буџетот е вреден 4,4 милијарди евра и според проекциите дефицитот ќе надмине половина милијарда евра. Планирани се 615 милиони евра за капитални проекти.
