Диск голф го освојува светот, а го нема во Македонија!? ↓↓↓
Според резултатите од новото истражување кое го направи, „Томсон Ројтерс“ состави листа со најопасни земји на светот за живеење за жените, која беше дефинирана според неколку фактори и главни параметри кои беа земени во предвид.
Според тоа истражување, Индија е најопасната држава во светот, додека САД се наоѓаат на десеттото место. Индија се најде на врвот на листата поради високиот ризик од сексуално насилство и присилна работа.
„Се имам соочено со прогонување, допирање, непознати луѓе ми се јавуваа од непознати броеви. Ве прогонуваат, се обидуваат да ве допрат, ве соблекуваат. Навистина е лошо“ – велат жените во Индија.
Поминаа повеќе од пет години откако светот беше потресен од веста за групното силување и убиство на студентка во Делхи, а експертите велат дека во Индија не е направено доволно за безбедноста на жената да биде национален приоритет.
„Премногу се чести случаите кога маж во преполн автобус ќе застане зад вас, користејќи го тоа како оправдување да ве допре и да ви прави други работи. Додека растев, јавниот превоз за мене беше извор на терор. Никогаш не знаете како мажите ќе ве гледаат и како ќе ве допираат“ – велат Индијките.
Бројот на злосторства над жените во Индија порасна за 83 отсто помеѓу 2007 и 2016 година. На секој час се пријавуваат по четири случаи на силувања, а се претпоставува дека многу повеќе случаи остануваат непријавени.
While our PM tiptoes around his garden making Yoga videos, India leads Afghanistan, Syria & Saudi Arabia in rape & violence against women. What a shame for our country! https://t.co/Ba8ZiwC0ad
— Rahul Gandhi (@RahulGandhi) June 26, 2018
„Ова се случува затоа што не постојат сет закони што властите треба да ги донесат. Ситуацијата е дефинитивно лоша и секако дека причината за тоа е патријархалното размислување. Сексизмот со кој се соочуваме е секојдневие, како и фактот дека жените се сметаат за помалку вредни“.
Иако САД се наоѓаат на десеттото место на листата со најопасни држави за жените, се наоѓаат и на третото место, заедно со Сирија, кога станува збор за вознемирување, ризик од сексуално насилство и присилен секс.
„Постојано се среќавате со вербално вознемирување“ – вели една девојка од САД.
„Ме допираше иако му велев дека имам момче и се обидував да си заминам“ – вели друга.
Најопасни држави за жени се:
1. Индија
2. Авганистан
3. Сирија
4. Сомалија
5. Саудиска Арабија
6. Пакистан
7. Конго
8. Јемен
9. Нигерија
10. САД
