Диск голф го освојува светот, а го нема во Македонија!? ↓↓↓
Жестоките и сочни пцости се ефективен метод со кој се зголемува издржливоста на болка, и тоа до една третина, вели едно научно истражување чии резултати ги пренесе „Мирор”.
Група научници предводени од психологот Ричард Стивенс од Кил универзитетот во Њукасл, испитуваа каков ефект би имале нови кованици, измислени од нив.
Доброволците, кои учествувале во „тестирањето“ на помеките пцости, по потопувањето на рацете во многу студена вода, беа категорични дека тие фрази се „помалку ефикасни“ од традиционалните вулгарности.
„Зборовите што ги измисливме, дефинитивно го немаат ефектот за намалување на болката… Најдобрата опција си се старите пцости. Уште од најрана возраст ги поврзуваме пцостите со стресните ситуации. Знаеме, исто така, дека тие зборови се забранети… Тие силни емоции не можат да бидат заменети со нови измислени пцости“ – нагласува д-р Стивенс.
Некои од новите „вулгаризми“ во англискиот јазик се „twizpipe“ и „flouch“. Тие се измислени со помош на лингвисти, така што да наликуваат на вулгарни, но и да бидат општествено прифатливи. Доброволците ги оцениле постарите пцовки како 1,5 пати поемоционални од новите кованици.
Лексикографот Џонатан Грин, инаку автор на специјализиран сленг-речник, смета дека во жаргонот вообичаено има повеќе од 1.000 безобразни зборови, но секогаш има место за повеќе.
„Новиот збор треба да е полезен, креативен и по можност – остроумен. Пцостите не доаѓаат од никаде. Тие треба да бидат привлечни за луѓето, за да бидат прифатени во широкиот јазичен свет“ – смета Грин.
