Филмот „Bohemian Rhapsody“ стана најпродаваната филмска адаптација на музичка биографија откако во неделата надмина заработка од 900 милиони долари од продажба на влезници во кината ширум цел свет.
Оскаровскиот филм заработи 71 милион долари во британските кина и 830 милиони долари на меѓународниот пазар. Во изминатиов период филмот неочекувано стекна популарност меѓу јапонската публика, каде заработи 144 милиони долари.
Врвното филмско биографско остварување за животот на вокалот на рок групата „Квин“, славниот Фреди Меркјури, кој го режираше Брајан Сингер, го вивна во врвот на актерската слава актерот кој го играше Фреди, Рами Малек.
Според неодамнешните изјави на режисерот, тој најави дека планира да сними и продолжение на ова успешно филмско остварување.
Според мислењата на филмските критичари, „Bohemian Rhapsody“ за многу брзо ќе надмине заработка од над 1 милијарда долари, со оглед на фактот дека е достапен на комплетната светска пазарна сцена.
