Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Во трагедија која се случи во Мајами бич, американската држава Флорида, се сруши дел од станбен објект со 136 станови. Според досегашните податоци најмалку едно лице загина, а десет се пренесени во болница.
Објектот се сруши среде ноќ и 80 пожарникарски единици биле испратени на местото на настанот. Не е познато колку луѓе имало во зградата, но локалните медиуми јавуваат дека под урнатините се слушале крици.
Потврдена е смртта на едно лице, а досега од урнатините се спасени околу 40 лица. Меѓу нив и едно момче. 100 лица засега се водат за исчезнати.
Гувернерот на Флорида, Рон Десантис изјави дека во соработка со Црвениот крст е организирано привремено сместување за сите оние кои останале без дом поради уривањето на зградата во Сурфсајд.
„Навистина, навистина е трауматично да се види вакво рушење“, додаде тој.
„Следните чекори ќе вклучуваат соработка со градот, округот и сојузната држава за да се осигурат долгорочните потреби на оние кои настрадаа“, рече гувернерот.
„Спасувачките екипи сè уште напорно работат и бараат луѓе во урнатините“, заклучи Десантис.
Новинар на Фокс, Енди Слејтер објави на Твитер снимка од моментот кога се руши зградата во Сурфсајд, Флорида.
JUST IN: Video I’ve obtained of the building collapse in Surfside, Florida. pic.twitter.com/BGbRC7iSI9
— Andy Slater (@AndySlater) June 24, 2021
Зградата од 12 ката и 136 станови во градот Сурфсајд во близина на Мајами бич се урна среде ноќ. Уништени се 55 станови.
Роузи Сантана, сопственичка на стан во делот на зградата што се сруши во Сурфсајд, објави видео на Твитер снимено од надзорна камера.
Видеото од 13 секунди е снимено од камера активирана од сензор за движење и е инсталирана во двособен стан во сопственост на нејзиното семејство на седмиот кат на заградата во Сурфсајд.
@AgendaFreeTV I am a resident of one of the condos on the side of the collapse. This is a video from my camera footage inside from the start of the collapse until the lose of connection (I was away from the building today). Towards the end, you hear the structure failing pic.twitter.com/UzBJQogUxp
— rosie✨ (@_rosiesantana) June 24, 2021
„Тоа е нашиот стан, станот на моето семејство. Вчера си отидов од станот, секогаш ја вклучувам камерата кога заминувам и ова е снимката што ја добив. Камерата се вклучува кога сензорот детектира движење. Тоа и се случи, таа почна да снима, а потоа врската се губи“, изјави таа за Си-ен-ен.
Сантана рече дека нејзиниот стан е еден од оние што се наоѓале во делот на објектот што се сруши: „Нема веќе надеж за станот“.
Министерството за надворешни работи на Парагвај соопшти дека не успеале да стапат во контакт со сестрата на сопругата на претседателот на Парагвај, Марио Абдо Бенитез.
Сестрата на првата дама на Парагвај, Силвана Лопез Мореир, со сопругот и трите деца престојувале во стан на 10 кат од објектот што се урна во два часот по полноќ во Сурфсајд, Флорида.
Парагвајското Министерство за надворешни работи соопшти дека не е познато каде се шестмината Парагвајци кои се наоѓале во објектот што се срушил.
