Скоро 10.000 заболени од грип за само седум дена


Вака се слави гол во 120-та минута!!! ↓↓↓


За една недела регистрирани се речиси 10 илјади заболени од грип, што е за двојно повеќе од минатата недела.

Според податоците од Институтот за јавно здравје ова е двојно повеќе од истиот период лани. Најмногу новозаболени има во Скопје, Струмица, Велес и Кавадарци.

Клиниката за детски болести и Институтот за белодробни заболувања во скопската населба Козле се преполни со хоспитализирани пациенти. Лекарите велат дека вирусите оваа сезона предизвикуваат компликации, најчесто бронхопневмонии. Тие се надеваат дека најавените ниски температури и снегот ќе го намалат ширењето на грипот, а со тоа и бројот на заболени од грип.

Бројката не е симната под 70 до 80 примени деца само во ноќна смена, а само во една смена на 2 јануари примивме 120 пациенти, вели директорката на Детска клиника др Аспазија Софијанова.

Во Хрватска е прогласена епидемија и има починати од компликации, а Србија го продолжи распустот на учениците поради зголемениот број болни.