Диск голф го освојува светот, а го нема во Македонија!? ↓↓↓
За време на интензивните и масовни протести во Чиле, на кои активно учество секојдневно земаат илјадници Чилеанци, вчера во Сантјаго се почувствува силен земјотрес од 6,3 степени според Рихтеровата скала.
Вчерашниот протест главно протече мирно, иако дел од демонстрантите кои фрлаа камења се судрија со полицијата за разбивање толпи.
Камерите кои го снимаат плоштадот на кој беа собрани демонстрантите го снимија земјотресот. Епицентарот на потресот бил на околу 180 километри северозападно од престолнината.
? VIDEO | Así se vivió el sismo de 6.3 en la Plaza Italia de Saniago durante el #SuperLunes de manifestaciones en Chile. (?: @galeriacima) pic.twitter.com/B00aAjA2rO
— CORTA (@cortanews) 4. November 2019
Владата тврди дека протестите го поткопуваат очекуваниот раст во една од најбогатите земји на Јужна Америка.
Este es mi Chile lindo!!#ChileDespertó pic.twitter.com/z9jBaWsIvJ
— Xris (@xristian36) 4. November 2019
Министерот за финансии на Чиле Игнасио Брионес изјави дека се проценува дека бруто домашниот производ на Чиле ќе биде помал од предвидените 2 до 2,2 отсто поради демонстрациите кои се во тек.
Протестите почнаа минатиот месец кога владата најави зголемување на цената на билетот за метро од 4 отсто, но се засилија од незадоволството поради чувството на многу Чилеанци дека немаат ништо од економскиот напредок на земјата.
Чиле, поради обемот и масовноста на граѓанскиот протест, се откажа од организацијата на Светската конференција за климата и од Форумот за економска соработка на Азија и Пацификот.
За време на демонстрациите во јужноамериканската земја загинаа 20 луѓе во судирите со полицијата.
