Откријте што е подобро!
Сите видови бројачи на чекори станаа дел од нашиот живот. Кога фитнес нараквицата ќе покаже 10.000 чекори дневно, сме во искушение да се откажеме од претходно испланираниот тренинг. Без разлика дали станува збор за спорт или за чекори, постојат многу нијанси кои влијаат врз природата на активноста и нејзината ефикасност. Време е да разбереме што всушност е подобро.
ДАЛИ ВИСТИНСКИ ТРЕБА ДА ИЗБЕРЕТЕ ЕДНО ИЛИ ДРУГО?
Кога станува збор за здравјето, нема единствено решение за сите. Интензивно одење или интензивен тренинг? Многу експерти сепак препорачуваат комбинација на овие два вида активности. 10.000 чекори дневно значи дека сте активни, но тоа не значи дека треба да се откажете од спортот. Аеробниот тренинг и тренингот со сила се клучот за здравје и благосостојба. Тренингот со сила гради мускули, кои се сметаат за метаболички активни ткива во телото, а со тоа имаат значајна улога во општото здравје.
Ако од која било причина имате само 30 минути за тренинг, треба да дадете максимум. Се препорачува да одберете интервален тренинг со висок интензитет, кој комбинира аеробни вежби и тренинг на сила. Овој вид вежбање е оптимален не само за физичка подготвеност, туку и за здравјето на кардиоваскуларниот систем.
СЛЕДЕТЕ ГО БРОЈОТ НА ЧЕКОРИ
Промената на тренинг-режимот не значи дека треба да заборавите на бројачот на чекори. Напротив, продолжете да го следите овој параметар за да знаете колку сте биле активни во текот на денот. Постигнувањето на саканиот резултат на подолг временски период ќе биде одлична мотивација да продолжите со движење, а воедно ќе ви помогне да го завршите и тие 30 минути тренинг, дури и во моменти кога немате сила.
Обидете се да комбинирате вежбање и активно одење – дури и ако ви се чини дека овие оптоварувања се минимални.
