Диск голф го освојува светот, а го нема во Македонија!? ↓↓↓
Ако тврдењата на Асанж се точни, тоа е вознемирувачка информација за сите корисници на биткоинот како и за самата берза со криптовалути.
Според изјавата на основачот на интернет страната Викиликс, Џулијан Асанж, тој тврди дека американската Национална агенција за безбедност НСА извесно време работела на технички решенија за пробивање на биткоинот за кој се тврдеше дека е сосема безбеден и ја гарантира анонимноста на корисникот.
Биткоинот се базира на блокчејн технологијата која генерира низа на пресметки преку неограничена мрежа на компјутери со уникатни кодови во блоковите и клучеви кои се уникатни за крајниот корисник кој ја финишира трансакцијата во која учествувале сите единици претходно.
Секако, блокчејн е во самите почетоци, маркантен интернет концепт кој може драстично да ја смени целокупната сајбер сфера и економијата на иднината, но да не брзаме премногу, бидејќи токму основните принципи врз кои треба да се потпира најверојатно се загрозени од страна на безбедносните агенции, а тоа е приватноста, анонимноста, независноста и сигурноста.
Асанж твдри дека докази за упадот на НСА во биткоин заедницата има во документите со кои располага „свиркачот“ Едвард Сноуден кој пред неколку години откри масовни владини тајни на САД за сеопфатно прислушување на корисници како во Америка, така и ширум светот. Најверојатно во новата програма за сајбер надзор на НСА наречена MONKEYROCKET направени се обиди да се следат корисници на биткоин за кои се тврдеше дека се апсолутно сигурни и анонимни и вирутелните средства може да ги користат слободно во било каква трансакција.
Треба да се земе и во предвид дека намерите на НСА не се суштински злобни и антидемократски, туку постојат сериозни обиди за спречување на сајбер криминалците, но и престапниците од традиционалниот криминал кои го користат биткоинот или било која друга криптовалута за нелегални трансакции.
Органите на прогонот мора да имаат и соодветни технолошки алатки со кои ќе откриваат терористи, мафијаши, педофили, сајбер или крипто криминалци, но често во тој ќош на безбедносните служби може да влезат сите граѓани кои користат криптовалути.
